Maturantët mbetës në një nga provimet e maturës shtetërore kanë një shans të dytë për të ridhënë provimin dhe për të garuar në universitet, për kuotat e mbetura bosh.
Ministria e Arsimit ka njoftuar se sesioni i provimeve të vjeshtës do të nisë nga 24 gushti dhe do të përfundojë në 3 shtator 2020.
Kështu provimi i gjuhës së huaj do të jepet më 24 gusht, në 27 gusht provimi i gjuhës shqipe dhe letërsisë, më pas i matematikës më 31 gusht, dhe për t’u përmbyllur në datën 3 shtator me provimin me zgjedhje.
Të njëjtat data do të jenë edhe për maturën shtetërore profesionale.
Sakaq, bëhet me dije se pyetjet do të jenë të ndërtuara vetëm me alternativa e do të vlerësohen me 60 pikë.
Provimet do të zgjasin dy orë e 30 minuta dhe do të nisin në orën 10:00.
