Ministrja e Financave, Delina Ibrahimaj, në një dalje për mediat ka bërë një bilanc të ecurisë ekonomike për tremujorin e tretë të vitit. Sipas ministres rritja ekonomike ka qenë me 4.02%, ndërsa ndikim kryesor në këtë rritje ka pasur bujqësia dhe ndërtimi.
“Në tërësi ky vit ka shfaqur ecuri pozitive ekonomikë. Këtë e tregojnë edhe shifrat e INSTAT. Për tremujorin e tretë shifrat ekonomike tregojnë se rritja ishte 4.02%. Këto janë rritje reale të ekonomisë të zhveshura nga ndryshimet e çmimeve.
Rritja vijon të mbetet në nivelin 3.4%. Sa i përket krahasimit me vendet e rajonit, tremujori i tretë është shfaqur me 4% dhe ka qenë rritja më e lartë në rajon. Ka pasur një ngadalësim të rritjes në të gjitha vendet e rajonit. Sa i takon analizës sipas sektorëve, rritja ka qenë e shpërndarë në të gjithë sektorët.
Rritje ka pasur bujqësia dhe blegtoria, edhe ndërtimi 10.66%. Edhe tregtia me shumicë ka pasur ecuri pozitive. Industria ka shënuar rënie dhe kontribut negativ në rritje. Në këtë kontribut ka ndikuar industria nxjerrëse. Industria përpunuese, fasonët apo prodhimet e drurit kanë kontribuar me rritje në këtë sektori. Sa i përket metodës së shpenzimeve, konsumi final i popullatës ka qenë me rritje pozitive, me 8.09%”, u shpreh ministrja.
Më tej, Ibrahimaj tha se në tremujorin e parë të 2023 pritet që ligji për bastet online të miratohet në parlament.
