Atleti i talentuar i Vllaznisë, Endri Rakaj, ka qenë një nga figurat kryesore të Kampionatit Kombëtar të Atletikës, duke fituar titullin kampion në stafetën 4×100 metra me ekipin shkodran.
Rakaj u dallua edhe në garat individuale, ku regjistroi kohën 10.93 sekonda në 100 metra (elektronik) dhe realizoi një kërcim prej 7.22 metrash në kërcim së gjati – të dyja rezultate shumë të mira që dëshmojnë formën dhe potencialin e tij të lartë.
Me këtë paraqitje, Endri Rakaj konfirmohet si një prej emrave më premtues të atletikës shqiptare, ndërsa Vllaznia vazhdon të mbajë nivelin e lartë në sportin e bukur të atletikës.
