Togeri Grei Malo, i cili së bashku me Forcat e Armatosura ndodhet në Malatya në mision për të nxjerrë trupat nga rrënojat dha detaje në lidhje me situatën e rëndë që ka kapluar Turqinë si pasojë e tërmetit tragjik që goditi vendin mëngjesin e të hënës së 6 shkurtit.
Në një lidhje të drejtpërdrejt në emisionin “Good Morning Albanians” në Euronews Albania, ai tha se brenda pallatit 7 katësh që është shembur ndodheshin rreth 30 persona.
Më tej ai theksoi se kanë informacion se në të gjithë Turqinë 20 mijë persona rezultojnë të Zhdukur.
“Në këtë pallat është nxjerrë vetëm një person i gjallë dhe katër trupa pa jetë. Te kjo godinë kanë qenë 25-30 persona. Me sa kemi informacion janë diku mbi 20 mijë persona të zhdukur.”- theksoi ai.
