Disiplina gjobit Tiranën e Vllazninë…

Trazirat e shkaktuara nga tifozët në “Loro Boriçi” gjatë klasikes së Shqipërisë mes Vllaznisë dhe Tiranës, rëndojnë në arkat e klubeve respektive. Të premten në orët e para të mëngjesit, Komisioni i Disiplinës dhe Etikës në FSHF ka publikuar vendimet e radhës duke e nisur komunikatën me dy gjobat në adresë të Vllaznisë e Tiranës.

Klubet duhet të paguajnë nga 50 mijë lekë për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS. Ndërkohë, mesfushori i Kastriotit, Eneid Kodra do të jetë një mungesë e madhe në 5 nga 7 javët e mbetura në kampin krutan. Ai është pezulluar për sulm ndaj kundërshtarit.

Mungesë e rëndësishme për skuadrën e drejtuar nga Emiljano Çela, i cili po lufton për mbijetesën dhe jka në dispozicion një skuadër të cunguar për shkak të mungesave dhe dëmtimeve. Kastrioti do të sfidojë këtë fundjavë në transfertën e Elbasanit kundër Tiranës kryesuese, ndërsa momentalisht është 5 pikë larg zonës play-off.

VENDIMET:

  1. KF Vllaznia, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
  2. KF Tirana, për sjellje të gabuar të spektatorëve duke hedhur sende në terrenin sportiv, në bazë të nenit 65/2 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
  3. Lojtari i KS Kastrioti, Eneid Kodra, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
  4. Lojtari i AK Shqiponjat U-19, Denis Kola, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  5. Lojtari i AF Elbasani U-19, Ruken Hoxha, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  6. Zyrtari i KF Turbina U-15, Andi Bibo, për sjellje josportive ndaj zyrtareve te ndeshjes, në bazë të nenit 48/1/a të KDS, dënohet me 8 (tetë) ndeshje pezullim nga aktiviteti.
  7. Zyrtari i KF Turbina U-15, Ilir Cerriku, për sjellje josportive ndaj zyrtareve te ndeshjes, në bazë të nenit 48/1/a të KDS, dënohet me 8 (tetë) ndeshje pezullim nga aktiviteti.
  8. Lojtari i Albanet, Amri Jonuzi, për sjellje josportive ndaj kundershtarit dhe zyrtarëve të ndeshjes, në bazë të nenit 47/1/d dhe 48/1/a të KDS, dënohet me 10 (dhjetë) ndeshje pezullim nga aktiviteti.
  9. Lojtari i BTL, FSHF Sunday League, Kreshnik Sinanaj, për sulm ndaj kundërshtarit, në bazë të nenit 47/1/e të KDS, dënohet me 8 (tetë) ndeshje pezullim nga aktiviteti.
  10. Lojtari i BTL, FSHF Sunday League, Kevi Beqiri, për sulm ndaj kundërshtarit, në bazë të nenit 47/1/e të KDS, dënohet me 8 (tetë) ndeshje pezullim nga aktiviteti.
  11. Lojtari i ELSO, FSHF Sunday League, Alaudin Karushi, për sulm ndaj kundërshtarit, në bazë të nenit 47/1/e të KDS, dënohet me 8 (tetë) ndeshje pezullim nga aktiviteti.
  12. Lojtari i ELSO, FSHF Sunday League, Erald Shehu, për sulm ndaj kundërshtarit, në bazë të nenit 47/1/e të KDS, dënohet me 8 (tetë) ndeshje pezullim nga aktiviteti.
  13. FK Apolonia U-21, për braktisjen e ndeshjes së vlefshme për Kampionatin Abissnet Superiore U-21, kundër FK Partizani U-21, në bazë të nenit 54/1 të KDS, humbet ndeshjen në tavolinë me rezultatin 3 – 0 dhe i zbriten 3 pikë nga klasifikimi.
  14. Rrëzimin e kërkesës së lojtarit të FK Kukësi U-19, Dajen Rexhmati, si të pabazuar në Kodin e Disiplinës Sportive.
  15. Pranimin e kërkesës së lojtarit të KF Sopoti, Endri Goxhi, pezullimin e pjesës së mbetur të dënimit. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj.
  16. Pranimin e kërkesës së lojtarit të KF Sopoti, Erando Seferi, pezullimin e pjesës së mbetur të dënimit. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj.