KF Shiroka ka arritur një triumf të rëndësishëm sot në mesditë, duke mposhtur me rezultat bindës 0–4 skuadrën e Basanias, në derbin e Qarkut Shkodër për Kategorinë e Dytë.
Avantazhi u hap në minutën e 35-të nga Tareck, ndërsa në pjesën e dytë Shiroka dominoi plotësisht. Olamide realizoi dy gola të shpejtë, në minutat 63 dhe 72, duke thelluar epërsinë. Në minutat e fundit, Tareck vulosi rezultatin përfundimtar 0–4, duke i dhënë ekipit një fitore të pastër në transfertë.
Kjo është fitorja e katërt radhazi për Shirokën në pesë javët e para të kampionatit, me skuadrën që mban vendin e dytë me 12 pikë, vetëm një më pak se kryesuesja Besëlidhja. Me një formë mjaft pozitive, Shiroka pritet të presë në ndeshjen e ardhshme ekipin e Sopotit, me synimin për të vazhduar serinë fituese.
