COVID 19/ Viktima në Shkodër 45 vjeç, dalin detaje të reja…

0
1188

Një tjetër viktimë e prekur me Covid 19 është shënuar në qytetin e Shkodrës, edhe pse rasti nuk është deklaruar ende nga ana e Ministrisë së Shëndetësisë në Tiranë.

Burime bëjnë me dije se shtetasi me inicialet M.S, 45 vjeç, i cili ka qenë i shtruar në repartin e reaminacionit në Spitalin e Shkodrës ka ndërruar jetë, mëngjesin e sotëm. Burime pranë bluzave të bardha bënë me dije se viktima ndërroi jetë në oren 4 e 30 min të mëngjesit të sotëm.

Pacienti ishte pozitiv me covid 19, dhe kishte pësuar hemoragji cerebrale, e për këtë shkak prej 5 ditësh gjendej në reanimacion. Mostra e pacientit për të bërë analizat ndaj covid është marrë mëngjesin e djeshëm ku ka rezultuar pozitiv pas analizave të bëra në Institutin e Shëndetit Publik.

Dyshimet janë se 45 vjeçari e ka marrë virusin në ambientet e spitalit, ku kanë rezultuar pozitiv më herët dhe dy infermier dhe katër pacientë të tjerë.

Ndërkohë sa i takon pacientëve të tjerë në Shkodër, mësohet se dy prej të shtruarve janë dërguar në Tiranë për mjekim më të specializuar pasi rezultojnë pozitiv, ndërkohë në spitalin e qytetit, ndodhet vetëm 1 i prekur me covid 19, i cili ndodhet në repartin e dializës.

Shkodra është qyteti i dytë pas Tiranës me numrin më të madh të personave të prekur nga koronavirusi, ku vetëm në 24 orët e fundit janë zbuluar 13 raste të reja, duke e çuar numrin total të të prekurve në 70.

PËRGJIGJU