Në një takim me të rinjtë në qendrën rinore Arka, kandidati për deputet Benet Beci ka zhvilluar një debat të hapur për shpalosjen e ideve dhe alternativave për Shkodrën.
Gjatë fjalës hyrëse, Beci, ka shprehur para të rinjve ambicien e tij për ta kthyer Shkodrën në një qytët elitar në të gjitha nivelet. Ai është shprehur se projektet janë gati, mjafton vetëm krijimi i strategjive bashkëpunuese mes aktorëve.
Pyetjet e të rinjve janë fokusuar tek këndvështrimi i zotit Beci për të ardhmen e Shkodrës.
Gjatë takimit, të rinjtë kanë bërë pyetje dhe diskutime për një numër i madh problematikash me të cilat ata përballen çdo ditë në Shkodër. Një diskutim i hapur që ka marrë vëmendjen e plotë të Becit.
Qendra arka, prej disa javësh organizon takime – debat, me kandidatët për deputetë të Shkodrës, në mënyrë që të rinjtë të njihen me platformat dhe idetë e tyre për zhvillimin e qytetit por edhe zgjidhjen e problemeve që shpesh prekin edhe këtë kategori.
