Pavarësisht temperaturave të larta dhe rritjes së ndjeshme të numrit të vizitorëve gjatë sezonit veror, deri tani, nuk është regjistruar asnjë rast zjarri në zonat e mbrojtura të qarkut të Shkodrës. Sipas drejtuesve të Administratës së Zonave të Mbrojtura (ADZM) Shkodër, në këtë drejtim po ndikojnë edhe masat e marra në bashkëpunim me bashkitë, shërbimin zjarrfikës si edhe funksionimi i rrjetit të monitorimit dhe sinjalizimit të hershëm, që ka mundësuar reagim të menjëhershëm në çdo rast të dyshuar.
“Nga ana jonë janë marrë të gjitha masat teknike organizative për menaxhimin e zjarreve duke hartuar programet e punës dhe marrëveshjet institucionale me të gjitha aktorët por kryesisht me me kryeplqësinë e fshatrave të cilat ndodhen brenda drejtor zoneve të mbetura për krijimin e skuadrave zjarrëfikëse me qëllim me informimin kohës sa më shpejt në rastet e vendosjes së zjarreve dhe ndërhyrjen finale”, deklaroi Agim Dardha, Drejtor i AdZM Shkodër.
Një rol të rëndësishëm ne parandalimin rasteve te zjarreve ka ndërgjegjësimi i komuniteteve vendase, operatorëve turistikë, guidave dhe vetë vizitorëve.
“Më e rëndësishmja është ndërgjegjësimi i popullatës, kryesisht edhe këshillat që jepin guidave turistike, të cilat e kenë parasysh që në rast se bëjnë kampinge ose në qoftë se ndezin zjarr në pyjet kenë element të sigurisë për bazë kryesore sepse ë në qoftë se shfaqet në zjarr janë pasojat janë katastrofike”, tha Agim Dardha, Drejtor i AdZM Shkodër
Parandalimi dhe menaxhimi i zjarreve mbeten sfida kryesore për ADZM-në, veçanërisht në muajt e verës, kur rreziku është më i lartë. Zonat e mbrojtura në qarkun e Shkodrës zënë rreth 40 për qind të territorit të qarkut, me afro 160 mijë hektarë sipërfaqe, duke e renditur Shkodrën si qarkun me përqindjen më të lartë të sipërfaqeve të mbrojtura në vend.
