Klubi “Vllaznia Taekwondo” ka regjistruar një paraqitje të suksesshme në turneun ndërkombëtar “7th Ulcinj Trophy 2026”, i zhvilluar në Ulqin të Malit të Zi, ku morën pjesë rreth 345 sportistë nga 33 ekipe dhe 5 shtete të ndryshme.
Sportistët shkodranë u dalluan me rezultate të rëndësishme në disa kategori, duke siguruar një numër medaljesh dhe duke përfaqësuar denjësisht qytetin e Shkodrës dhe Shqipërinë në këtë aktivitet ndërkombëtar.
Në kategorinë Junior, u arritën këto rezultate:
- Edrit Çoka (-63 kg) – medalje ari
- Amina Hadri (-49 kg) – medalje argjendi
- Isida Veroshaj (-49 kg, Class B) – medalje ari
- Menida Meta (-52 kg) – medalje ari
- Kejsi Gallubja (-63 kg) – medalje bronzi
Në kategorinë Senior:
- Edri Hoti (-63 kg) – medalje bronzi
- Sajmir Trushi (-74 kg) – medalje ari
Falë këtyre rezultateve, “Vllaznia Taekwondo” u rendit e para në kategorinë Junior dhe e treta në kategorinë Senior.
Ky sukses vjen si rezultat i punës së vazhdueshme dhe përgatitjes së sportistëve, të cilët vijojnë të kontribuojnë në rritjen e nivelit të taekwondo-s në Shkodër dhe më gjerë.
