Në një ditë të trishtë për qytetin tonë, Bashkia Shkodër ndan me dhimbje lajmin për ndarjen nga jeta të kapitenit të anijes turistike, Arben Anamali, një njeri i përkushtuar dhe shembull i vërtetë i humanizmit, i cili humbi jetën gjatë një akti trimëror për të shpëtuar dy jetë njerëzish në liqenin e Shkodrës.
Postimi i Bashkisë Shkodër:
Sot, Bashkia Shkodër humbi një nga njerëzit e saj më të përkushtuar, kapitenin e anijes turistike, Arben Anamali, i cili humbi jetën gjatë një akti heroik për të shpëtuar dy turistë që po rrezikoheshin të mbyteshin në liqenin e Shkodrës.
Një akt humanizmi, por fatkeqësisht me një fund të hidhur. Arbeni ishte gjithmonë në shërbim të vizitorëve dhe turistëve, duke dhënë kontributin e tij me pasion dhe përkushtim deri në momentin e fundit të jetës.
Bashkia Shkodër shpreh ngushëllimet më të sinqerta për familjen Alamani në këtë moment të vështirë.
