Banorët e Barbullushit në Vau Dejës mirëpritën kryetarin e Partisë Social Demokrate Tom Doshi. Në fjalën e tij kreu i PSD Doshi tha të gjithë banorët e Vau Dejësit mbështesin PSD dhe kandidatin e PS për kryetar bashkia Kristian Shkreli.
Kandidati Shkreli bëri të ditur disa prej investimeve të rëndësishme në Barbullush. Kryetari aktual i bashkisë Vau Dejës Mark Babani tha se bashkë me banorët do japë gjithë mbështetjen e tij për kandidatin Shkreli në këto zgjedhje.
Banorët e Barbullushit deklaruan se vota e tyre do të shkojë për PSD dhe kandidatin Shkreli duke qenë se besojnë në zhvillimin e mëtejshëm të zonës së tyre dhe krejt bashkisë Vau Dejës.
