Një shprehje thotë se
“”mendjet e mëdha diskutojnë idetë, mendjet mesatare ngjarjet dhe mendjet e
vogla njerëzit. Me shumë mundësi më shumë se kujtdo kjo shprehje i shkon për
shtat deputetes të PS Shkodër, personi që po çon drejt shkatërrimit të plotë Partinë
Socialiste të Shkodrës. Një demokrate që kritikonte kryeministrin Rama lart e
poshtë e që dilte për të mbledhur firma për PD-në gjoja si shoqëri civile erdhi
në familjen socialiste si papritur duke kapur majat e politikës. Fakti që nuk
zgjodhi idetë por vijoi të merrej me njerëzit edhe kur ishte në poste të larta
Ministrore bëri që të largohet shpejt nga ai post për t’u rikthyer sërish një
deputetë e thjeshtë pa asnjë peshë më të madhe politike. Ky nuk është dështimi
i saj i parë. Nëse kjo lidhet edhe me ambiciet personale edhe pse në mes janë
edhe fatet e një qyteti si Shkodra, Deputetja nuk e ndali hovin e saj për të
shkatërruar Partinë Solcialiste në Shkodër. E nisi duke krijuar ca emra dhe një
grupazh si të besuarit e saj me të cilët bënte dualitet me të deleguarin Ditmir
Bushati derisa ky i fundit për arsye që dihen tashmë u desh të linte edhe
drejtimin politik të Shkodrës. Ajo fitoi më shumë hapësirë dhe në vend që ta
menaxhonte siç duhet për ta rritur Partinë Socialiste të Shkodrës në fakt bëri
të kundërtën, nisi ta shkatërrojë atë edhe më shumë.
Gjithçka kulmoi veç të
tjerave me emrat që përzgjodhi për delegatë të Kongresit të PS me idenë se duke
patur dorën e saj brenda do të fitonte edhe në Asamble Kombëtare me të besuarit
e saj. Pasi bëri një proces fals me kandidaturat për kandidatët duke mos i
dhënë mundësinë emrave që vërtetë kanë peshë në radhët e PS qoftë në raport me
elektoratin por edhe shumë aspekte të tjera jo vetëm se minosi procesin por
edhe vetë Partinë Socialiste të Shkodrës. Radhët e të pakënaqurve u shtuan
brenda 24 orëve duke e bërë Senida Mesin të padëshiruar për pjesën më të madhe.
Këtë mësë miri e tregojnë mbledhje pas mbledhjesh ku debatet që veç
konstruktive nuk janë tregojnë qartazi se deputetja nuk është më e preferuara e
askujt.
Pasi futi emrat që deshi për delegatë duke sfumuar procesin përmes një falsiteti të plotë deputetja e Shkodres goditjen përfundimtare e mori në votimin për anëtarët e Asamblesë Kombëtare. Emrat për të cilët loboi duke përjashtuar pa të drejtë shumë të tjerë në fakt dështuan duke mos arritur që të jenë pjesë e Asamblesë Kombëtare. Kështu më shumë se kushdo në fakt u godit Partia Socilaliste e Shkodrës. Emrat e votuar asesi nuk përfaqësojnë qytetin e Shkodrës. Mungesa e zërave të socialistëve shkodran në Asamble është një humbje e madhe që nuk duhej lejuar por siç thotë shprehja mendjet e vogla diskutojnë njerëzit. Duke u marrë vetëm me emra, Senida Mesi e pësoi duke nxjerrë jashtë loje dhe duke i lënë të papërfaqësuar socialistet shkodran. Ndarjet apo paragjykimet krahinore patjetër janë të shpifura dhe të papranueshme dhe pikërisht kjo gotitje që i jepet PS Shkodër duke lënë qytetin të papërfaqësuar është një stigmatizim që deputetes iu kthye në bumerang. Në tentativë për të bërë protagonisten, me nxitim dhe kokëfortësinë e saj shkërmoqi një parti të tërë e cila tashmë e ka tejet të vështirë ta kap fillin edhe njëherë. Goditjet që I ka dhënë DEPUTETJA jo vetëm se janë të pamëshirshme por edhe të parikuperueshme për një kohë të gjatë. Zgjedhjet e 2021 nuk janë aspak larg dhe socialistët shkodran janë në një udhëkryq, të ndarë dhe pa ide për të ardhmen.
Mbase deputetja jone e nderuar mendon si Niçe që “politikani e ndan njerëzimin në dy klasa: në vegla dhe armiq”.
Elson Çeliku
