Bekim Balaj debutoi sot me Vllazninë përballë Laçit. Ai u shpreh tepër i lumtur për këtë rikthim në skuadrën e tij të zemrës.
“Emocionet e kthimit në Shkodër janë shumë të mëdha, jam i lumtur që kthehem dhe fitojmë përballë Laçit edhe pse do të doja të debutoja me gol. Ekipi po kalon një moment të mirë dhe është e rëndësishme që të mbajmë këtë ritëm në kampionat dhe në Kupë.
Unë jam rritur këtu dhe e di çdo të thotë të luash në “Loro Boriçi”. Shpresoj që çdo lajm të dëgjohemi për fitoren e Vllaznisë. U ktheva shumë vite pas, mbështetja e tifozëve dihet. Nga ndeshja në ndeshje ndjej që do të mbushet plot dhe shpresojmë të vazhdojmë me këtë ecuri”, u shpreh Balaj në një prononcim për “Oversport”.
