Ministrja e Arsimit Evis Kushi ka bërë me dije se në 16 shkolla në veri të vendit do të pezullohet mësimi ditën e nesërme.
Me anë të një postimi në rrjetet sociale, Kushi njoftoi se kjo masë është marë si pasojë e situatës së rënduar nga reshjet e dendura të shiut.
Ndërkohë po ndiqet situata nëse do të jetë e nevojshme për mbyllje të tjerash shkollash.
Postimi i plotë:
Pas situatës së rënduar për shkak të reshjeve dhe përmbytjeve në disa zona të vendit, sapo zhvillova një mbledhje urgjente me drejtuesit e Ministrisë së Arsimit dhe Drejtorive Rajonale Arsimore për të vlerësuar gjendjen e shkollave në të gjithë territorin.
Pavarësisht se deri tani, në pjesën më të madhe të shkollave situata është nën kontroll, nga verifikimet në terren problematika të rënduara paraqiten në zonën e veriut.
Për të garantuar sigurinë e nxënësve dhe mësuesve, si dhe për të shmangur çdo lloj rreziku të mundshëm, kemi vendosur që ditën e nesërme të pezullohet procesi mësimor deri në përmirësimin e situatës në shkollat e mëposhtme:
1- Shkolla “Martin Camaj”, Shkodër qytet, 2- Shkolla “Agim Tafili”, Harku i Bërdicës,
3- Shkolla “Prekal”, fshati Postribë, 4- Shkolla “Ruzhdi Daca”, Rrethinat,
5- Shkolla “Mehmet Shpëndi”, fshati Shalë, 6- Shkolla “Theth”, fshati Shalë,
7- Shkolla “Gimaj”, fshati Shalë, 8- Shkolla “Palaj”, fshati Shosh,
9- Shkolla “Ndreaj”, fshati Shosh, 10- Shkolla “Nicaj”, fshati Shosh,
11- Shkolla “Pog”, fshati Pult, 12– Shkolla “Plan”, fshati Pult,
13– Shkolla “Maja e Thanës”, fshati Pult, 14– Shkolla “Kasnec”, fshati Pult,
15- Shkolla “Kir”, fshati Pult, 16– Shkolla “Xhan”, fshati Pult.
Në orët e ardhshme do të vijojmë ta ndjekim nga afër situatën dhe nëse do të ketë raste të tjera problematike do të informojmë në kohë reale nxënësit, mësuesit dhe prindërit për të marrë të gjitha masat e nevojshme.
Falënderojmë të gjitha institucionet e qeverisjes qendrore dhe vendore që gjatë gjithë kohës janë në gatishmëri për kapërcimin e situatës dhe lehtësimin e pasojave.
