Laçi ka regjistruar ndoshta fitoren më të rëndësishme të sezonit, duke mundur në Shkodër Vllazninë kryesuese me rezultatin 2-1 dhe duke ngushtuar në 7 pikë diferencën e vet me kreun për të hapur kampionatin.
Gjithçka ndodhi në pjesën e dytë, ku Laçi ndëshkoi çdo gabim të vendasve, duke shënuar me Nuabueze e Harmon, ndërsa shkodranët nuk ia dolën të shfaqeshin ashtu siç mendonin edhe pse krijuan rastet e tyre. Në fund, kartoni i kuq i Obanor, nuk ndryshoi rrjedhën e sfidës, pasi kurbinasit mbrojtën rezultatin dhe morën tre pikë që iI ngjitin për momentin në vendin e dytë në renditjen e Superiores ku pas shumë javësh, Vllanzia duket përsëri e arritshme.
