Supermakina e vjedhur 10 vjet më parë në Itali sekuestrohet në Kukës

Policia Kufitare në Morinë, në bashkëpunim me Drejtorinë Vendore të Policisë së Kukësit dhe Interpol Tirana sekuestroi një automjet luksoz, i cili rezultonte të ishte vjedhur në Itali rreth 10 vjet më parë.

Pas verifikimeve policia arrestoi në flagrancë 36-vjeçarin kosovar L.R. banues në Zvicër, i cili ishte në drejtimin e mjetit sportiv “Lamborghini Gallardo”.

Materialet i kaluan Prokurorisë së Kukësit dhe ndaj 36-vjeçarit kosovar rëndon akuza e “trafikimit të mjeteve motorike”.