Drejtoria Vendore e Policisë Shkodër
Specialistët e Sektorit të Qarkullimit Rrugor:
Referuan materialet në Prokurori, ku nisi procedimi në gjendje të lirë për shtetasin M. T., 39 vjeç, banues në Shkodër, pasi duke drejtuar motomjetin e tij elektrik, është përplasur me shtetasin Z. K., 66 vjeç, banues në Shkodër, i cili po lëvizte me biçikletë. Si pasojë është dëmtuar lehtë 66-vjeçari, i cili, pasi mori mjekim në Spitalin Rajonal Shkodër, ndodhet në banesë, jashtë rrezikut për jetën;
Referuan materialet në Prokurori, për njoftim fakti, pasi ditën e djeshme, në aksin “Shkodër – Koplik”, automjeti me drejtues shtetasi N. P., 60 vjeç, si pasojë e një manovre të gabuar, është përplasur me automjetin me drejtues shtetasin Z. H., 52 vjeç. Si pasojë u dëmtua lehtë shtetasja V. H., pasagjere në automjetin me drejtues shtetasin Z. H.
Specialistët për Hetimin e Krimeve të Stacionit të Policisë Fushë-Arrëz referuan materialet në Prokurori, ku filloi procedimi në gjendje të lirë për shtetasin L. N., 63 vjeç, banues në Fushë-Arrëz, pasi ka bërë kallëzim shtetasi A. P., 47 vjeç, se 63-vjeçari ka hyrë në pronën private, dhe këtë e ka konstatuar nëpërmjet kamerave të sigurisë së banesës së tij.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
