Presidenti Meta për emigrantët në kufi: Autoritetet tona të respektojnë detyrimet ndaj këtyre qytetarëve

0
212

Për situatën e emigrantëve shqiptarë të mbëtur në kufi ka reaguar Presidenti Ilir Meta.

Përmes një postimi në Facebook, ai u bën thirrje autoriteteve që të respektojnë detyrimet kushtetuese ndaj shtetasve të vetë në një situatë të fatkeqësisë natyrore.

Ai gjithashtu i kërkon qytetarëve të respektojnë kushtet e emergjencës për shkak të pandemisë së COVID-19.

Postimi i plotë: 

Jam shumë i shqetësuar mbi situatën e qytetarëve shqiptarë të cilët vijojnë ende të bllokuar në pikat e kalimit kufitar të Kakavijës dhe Kapshticës. 

Kjo situatë duhet të marrë zgjidhje të menjëhershme. 

U bëj thirrje sërish të gjithë qytetarëve shqiptarë të respektojnë kushtet e urgjencës dhe domosdoshmërisë të imponuara nga pandemia e COVID-19 në pikat tona kufitare e njëkohësisht kërkoj nga autoritetet tona përgjegjëse të respektojnë, jo vetëm kërkesat e situatës së gjendjes së fatkeqësisë natyrore, por edhe detyrimet kushtetuese dhe ndërkombëtare që shteti ka ndaj qytetarëve të vet në një situatë të tillë. 

Edhe njëherë kërkoj nga të gjithë më shumë bashkëpunim e mirëkuptim, solidaritet e përgjegjësi mes qytetarëve dhe autoriteteve tona në dobi të interesit publik dhe sigurisë së jetës. 

PËRGJIGJU