Për herë të parë në Shqipëri, në Spitalin Rajonal të Shkodrës është kryer me sukses një ndërhyrje shumë e veçantë dhe komplekse: stentimi i arteries mesenterica superior, procedurë e përdorur për trajtimin e ishemisë kronike të mezenterit – një sëmundje e rrallë me mortalitet shumë të lartë.
Operacioni u realizua me metodë endovaskulare, falë bashkëpunimit të ngushtë mes kirurgëve vaskularë dhe hemodinamistëve, duke shpëtuar jetën e një pacienti 43-vjeçar që vuante nga kjo sëmundje.
Ky rast tregon rritjen e nivelit të profesionalizmit dhe përkushtimit të mjekëve shqiptarë, si dhe fuqizimin e kapaciteteve të Spitalit Rajonal të Shkodrës për të ofruar shërbime moderne dhe të avancuara.
👨⚕️ Mirënjohje për ekipin mjekësor që realizoi me sukses ndërhyrjen:
Dr. Besmir Grizhja
Dr. Enkelejd Lohja
Dr. Gledis Zaimi
Dr. Kevin Bektashi
