Policia Bashkiake Shkodër ka ndërmarrë operacione për lirimin e hapësirave të zëna në brendësi të lagjeve të qytetit. Goma, karrige, hekura, betonë dhe elementë të tjerë të vendosur në mënyrë të paligjshme janë hequr, duke siguruar që hapësirat e dedikuara për qytetarët të jenë të pastra dhe të përdorshme.
Kryebashkiaku Benet Beci thekson se Bashkia nuk do të tolerojë më këtë praktikë dhe do të vazhdojë monitorimin për respektimin e hapësirave publike.
