Kryebashkiaku i Shkodrës, Benet Beci, vjen me një tjetër mesazh të fortë mbështetjeje për skuadrën kuqeblu, duke rritur edhe më shumë entuziazmin në qytet në prag të sfidave vendimtare të kampionatit. Në një moment kyç për Vllazninë, ai ka shpallur një iniciativë konkrete që synon të motivojë ekipin drejt realizimit të ëndrrës së shumëpritur për titullin kampion.
Postimi i plotë i kryebashkiakut Beci:
Kam propozuar një premio të veçantë prej 15 milion lek të reja për Vllazninë në rast të shpalljes kampione, si një mbështetje konkrete për të bërë realitet ëndrrën që pret i gjithë qyteti.❤️💙
Emocionet kuqeblu rikthehen sot dhe sytë e gjithë Shkodrës janë te djemtë tanë.
Sot Vllaznia përballet me Partizanin në një tjetër finale shumë të rëndësishme në këto javë vendimtare të kampionatit. Një ndeshje që vlen shumë dhe që na bashkon të gjithëve në mbështetje të skuadrës së qytetit tonë.
Forca djem!
E gjithë Shkodra është me ju! 💪💪🏆
