Një çift të moshuarish, që e kanë kaluar pothuajse çdo ditë bashkë për 60 vite, e luftuan edhe koronavirusin bashkë. Sidney Moore, 77-vjeç dhe bashkëshortja e tij, Jean, 76-vjeçare qëndruan dy shtretër afër njëri tjetërit, pasi ata të dy “nuk ndahen kurrë”.
Dy të moshuarit nga Anglia u dërguan me urgjencë në spital më 10 prill pasi kishin rezultuar pozitivë për koronavirusin. Pas shtrimit në spital, çifti kërkuan që të qëndronin në të njëjtën dhomë, dhe infermieret u kujdesën që shtretërit e tyre t’i vendosnin afër.
Moore, i cili tashmë ndodhet në shtëpi me bashkëshorten duke u shëruar, u shpreh se ishte dëshira e tyre për të qëndruar bashkë dhe se u kujdesën që dëshira t’u plotësohej deri në fund.
“Ne nuk jemi ndarë asnjë herë për më shumë se 60 vite, ne nuk rrimë të ndarë”, shtoi i moshuari.
Burrë e grua e lanë spitalin më 15 prill dhe tashmë janë drejt shërimit në shtëpi.
