Ndriçimi publik do të jetë i pari që do të preket nga masat në kuadër të kursimit të energjisë. Në përfundim të mbledhjes së qeverisë, ministrja Belinda Balluku, tha se do të ndiqet praktika e vendeve europiane, e përshtatur me situatën energjetike në vendin tonë. Paketa e masave të kursimit pritet të bëhet e ditur të enjten në orën 9:00.
“Pas orës 22:00 kërkohet ndërprerja e ndriçimit publik. Pas tij momenti fiken dritat deri në 16:00 pasdite të nesërmen. E ka nisur Gjermania, po e aplikojnë edhe vendet e tjera. Është pjesë e kursimit të energjisë. Nesër do të bëjmë të ditura masat, disa prej tyre drastike, që do të ndërmarrim në vazhdim. Disa janë marrë nga vendet europiane, disa janë përshtatur për Shqipërinë”, u shpreh Balluku.
