Qeveria ka miaratuar me anë të një VKM-je, përdorimin e fondit të rindërtimit për financimin e rikonstruksionit të banesave individuale dhe pallateve në bashkitë Kamzë dhe Kavajë, të cilat u dëmtuan nga tërmeti tragjik i 26 nëntorit.
Fondi i miratuar është 510 240 000 lekë, për financimin e rikonstruksionit të banesave individuale dhe njësive të banimit në ndërtesa (pallat) për ato individë të cilët përfitojnë nga grantet e rikonstruksionit, banesat e të cilëve janë klasifikuar si objekte të dëmtuara rëndë apo të dëmtuara lehtë dhe që nuk duhen rindërtuar nga e para si pasojë e fatkeqësisë natyrore, në këto dy bashki.
Bashkisë Kamzë do t’i transferohet fondi prej 163 890 000 lekësh, në formën e transfertës së pakushtëzuar, ndërsa bashkisë Kavajë i transferohet fondi prej 346 350 000 lekësh, po në formën e transfertës së pakushtëzuar.
Për zbatimin e këtij vendimi, ngarkohen ministri i Shtetit për Rindërtimin, Ministria e Financave dhe Ekonomisë dhe bashkitë Kamzë dhe Kavajë
