Lirimi i Kajmakut, Bardhi: Skenar mafioz, u pagua 200 milionë lekë…

0
50

Sekretari i Përgjithshëm i Partisë Demokratike, Gazment Bardhi ka reaguar pas lirimit të ish-kryebashkiakut të Vorës, Agim Kajmaku.

Përmes një postimi në rrjetet sociale, Bardhi shprehet se për çështjen “Kajmaku”, qeveria dhe drejtësia zbatuan një skenar mafioz për t’i dhënë lirinë ish-kryebashkiakut.

Bardhi shprehet e Kajmaku u la i lirë nga drejtësia pas ndërhyrjeve që ka bërë kryeministri Edi Rama. Po ashtu, ai shton se “Kajmaku u pagua 200 milionë lekë nga pushteti i Edi Ramës, duke vendosur rekord sesi një person që kërkohet nga policia, përfiton njëkohësisht miliona lekë nga tendera publikë.”

Reagimi

Një skenar mafioz u zbatua 24 orët e fundit nga qeveria dhe drejtësia për të lënë të lirë Agim Kajmakun e Vorës.

Policia bëri dje sikur e arrestoi papritur, pas një gjoja arratisje 7 mujore, ndërsa drejtësia, nën diktatin e qeverisë, e liroi sot nga burgu. Gjithçka ishte llogaritur që lulishtari i oborrit 1 milionë euro të Edi Ramës në Surrel të mos vuante asnjë ditë burg.

Agim Kajmaku, një fallsifikator, që fshehu krimin në formularin e dekriminalizimit, u mbrojt nga Edi Rama. Kryeministri nuk e shkarkoi nga detyra, megjithëse ne provuam me dokumenta se kryebashkiaku ilegjitim i Vorës kishte mashtruar dhe ishte në shkelje flagrante të ligjit.

Gjatë kohës së “arratisë”, Agim Kajmaku u pagua 200 milionë lekë nga pushteti i Edi Ramës, duke vendosur rekord sesi një person që kërkohet nga policia, përfiton njëkohësisht miliona lekë nga tendera publikë. Ky është një pushtet i kalbur që duhet shkulur me rrënjë, sa më parë!/ abcnews.al

PËRGJIGJU