Deputeti i PD, Bardh Spahia thotë se ndryshimet ligjore që kërkon kryeministri Edi Rama janë për të bllokuar drejtësinë dhe për të shpëtuar veten nga korrupsioni. Në postimin e tij në Facebook, Spahia fton qytetarët të protestojnë më 10 shkurt për të mbrojtur të ardhmen e Shqipërisë dhe ëndrrën europiane.
Postimi i plotë
Sot u vërtetua për të disatën herë që Edi Rama është armiku i drejtësisë dhe i integrimit europian. Paralajmërimi për të ndryshuar ligjet nuk është thjesht mbrojtje për “bashkë-hajdutët”, por është bllokadë ndaj drejtësisë për të mos lejuar që prangat të lidhin duart e tij duke mbërritur në zyrën e kryepërfituesit të fondeve publike dhe kreut të narkoshtetit.
Tmerri që e ka kapur nga zhytja kokë e këmbë në krim dhe korrupsion po e shtyn drejt çmendurisë: Ai po largon përfundimisht Shqipërinë nga BE-ja! Për të shpëtuar veten nga burgu, Rama është gati ta izolojë vendin, ta kthejë në një Sulltanat të krimit larg çdo standardi perëndimor.
Ai po sakrifikon të ardhmen e fëmijëve tanë vetëm për të mos dhënë llogari për vjedhjet monstruoze.
Ne nuk mund të lejojmë që frika e një njeriu të marrë peng ëndrrën europiane të një populli.
Të gjithë në shesh kundër autokratit që na vjedh pasurinë dhe na vret shpresën. Ti tregojmë se Shqipëria i përket Europës, jo mafies së tij! Ti tregojmë që Shqipëria është vendi i njerëzve të ndershëm dhe punëtor e jo i horave injorantë të mbrojtur nga pushteti i vjedhur
Bashkohu! Për Shqipërinë, kundër Narkoshtetit!
#10shkurt
