Ministri i Brendshëm italian, , ka kritikuar sërish një pjesë të magjistraturës pas vendimit të që dënoi shtetin italian për transferimin në Shqipëri të shtetasit algjerian Redouane Laaleg.
Gjatë një aktiviteti të organizuar nga grupi parlamentar në Bolonjë, Piantedosi deklaroi se disa gjyqtarë, sipas tij, mbajnë një qasje ideologjikisht të pafavorshme ndaj politikave për luftimin e emigracionit të parregullt, më shumë sesa ndaj vetë ligjeve.
Ai vuri në pikëpyetje vendimin gjyqësor, duke theksuar se bëhet fjalë për një person me një histori të gjatë dënimesh penale, dhe shtroi pyetjen nëse është normale që një individ me precedentë të tillë të lirohet, të kthehet në Itali dhe më pas të përfundojë në një proces gjyqësor kundër shtetit.
Qeveria e drejtuar nga kundërshtoi gjithashtu kompensimin prej 700 eurosh që iu akordua Laaleg, i cili ishte transferuar në Qendrën e Pritjes në Gjadër. Sipas vendimit të gjykatës, transferimi ishte kryer pa një urdhër të shkruar dhe pa njoftuar familjen e tij, ndonëse ai jetonte në Itali me partneren dhe dy fëmijët e mitur.
Ngjarja daton më 10 prill 2025, kur algjeriani u largua nga një qendër në rajonin Friuli-Venezia Giulia. Ai u informua vetëm gojarisht se do të transferohej në një strukturë tjetër në Brindisi, por përfundoi në Shqipëri pa dijeninë e tij dhe pa dokumentacion zyrtar. Udhëtimi, që zgjati rreth 20 orë, u zhvillua nën masa të rrepta sigurie; sipas mbrojtjes, trajtimi ishte degradues, pasi ai mbeti i lidhur me pranga gjatë gjithë transportit.
Pas mbërritjes në qendrën shqiptare, Laaleg nuk u lejua të përdorte telefonin, ndërsa familja e tij mbeti pa informacion për disa ditë. Ai u lirua më 9 maj 2025, pas një ankese të paraqitur nga avokati i tij.
Partnerja e tij deklaroi se për dy ditë nuk kishte marrë asnjë lajm, derisa ai arriti ta kontaktonte nga Shqipëria, duke konfirmuar se ishte transferuar pa mundësi komunikimi me familjen apo mbrojtjen ligjore.
Sipas avokates Giulia Crescini nga , ky vendim mund të krijojë një precedent të rëndësishëm. Ajo theksoi se deri më tani Ministria e Brendshme nuk ka njoftuar me shkrim avokatët për transferimet e migrantëve drejt Shqipërisë, çka mund të çojë në padi të tjera të ngjashme.
Të dhënat e fundit tregojnë se, deri në fund të tetorit 2025, mbi 200 persona janë transferuar në qendrat e pritjes në Shqipëri. Sipas Crescinit, ekziston mundësia që edhe raste të tjera të përfundojnë me detyrime kompensimi për shtetin italian.
Gjykata arriti në përfundimin se transferimi i Laaleg kishte cenuar të drejtën e tij për jetë private dhe familjare, të garantuar nga neni 8 i Konventës Evropiane për të Drejtat e Njeriut. Vendimi thekson se çdo transferim nga një qendër ndalimi në një tjetër duhet t’i komunikohet personit në mënyrë zyrtare dhe me shkrim.
