Teksa afrohet mbledhja e Asamblesë Kombëtare të Partisë Socialiste, më 11 shtator, ku Kryeministri Edi Rama do të shpallë qeverinë e re, kanë nisur të qarkullojnë emrat e mundshëm të kabinetit të ri qeveritar.
Sipas burimeve, Belinda Balluku pritet të emërohet Kryetare e Kuvendit, ndërsa Adea Pirdeni të marrë postin e Zëvendëskryeministres. Elisa Spiropali përflitet për Ministër të Jashtëm, Pirro Vengu për Ministër të Mbrojtjes, dhe Elira Kokona për Ministër të Brendshëm.
Në dikasterin e Financave pritet Genti Gazheli, ndërsa në Ministrinë e Infrastrukturës Blendi Gonxhe. Bledi Çuçi përmendet si Ministër i Bujqësisë, Ervin Demo në krye të Turizmit, dhe Arbi Mazniku në Ministrinë e Arsimit, Rinisë dhe Sportit.
