WhatsApp vazhdon të shpërndajë veçori dhe përditësime të reja. Faqja e ekspertëve WabetaBeInfo ka zbuluar në një version provë të aplikacionit, dërguar abonentëve të programit beta, një funksion të dedikuar për ndarjen e fotove.
Kjo, sipas portalit, do t’u japë përdoruesve të WhatsApp më shumë kontroll mbi llojin e fotografive të shpërndara, duke çuar në përdorimin e shërbimit edhe më shumë për të shkëmbyer përmbajtje vizuale me miqtë, familjen dhe kontaktet e tjera.
“Falë përditësimit të fundit të WhatsApp beta për Android 2.23.2.11, ne zbuluam se aplikacioni më në fund po punon për një veçori të re për t’i lejuar përdoruesit të dërgojnë foto në cilësinë e tyre origjinale”, shkruan faqja.
Pasi përditësimi t’u dërgohet të gjithëve, ata do të mund të klikojnë në butonin “Cilësia e fotografisë” që shfaqet pas zgjedhjes së një fotoje ose grupi fotografish, por përpara se t’i dërgojnë ato. Në atë moment, do të ketë një mundësi për të zgjedhur cilësinë e preferuar.
Lajmi vjen vetëm disa orë pasi Komisioni Irlandez për Mbrojtjen e të Dhënave konfirmoi një gjobë prej 5.5 milionë eurosh kundër WhatsApp për shkelje të Rregullores së Përgjithshme për Mbrojtjen e të Dhënave, ligjin evropian për mbrojtjen e të dhënave.
Në qendër të çështjes janë ndryshimet më të fundit në përdorimin e të dhënave të abonentëve, të prezantuara në vitin 2018, të cilat do t’i kishin shtyrë përdoruesit të pranonin lajmet pa qenë në gjendje të zgjidhnin lirisht, nën dënimin e mospërdorimit të shërbimit.
