WhatsApp tha se nuk do të fshijë llogaritë dhe se nuk mund të shohë mesazhet personale të përdoruesve, aplikacioni i njohur për mesazhe premtoi të shtunën, ditën kur azhurnimet e diskutueshme të politikës së saj të privatësisë hynë në fuqi në disa zona.
“Jo, ne nuk mund t’i shohim mesazhet tuaja personale. Jo, ne nuk do ta fshijmë llogarinë tuaj. Po, ju mund të dakordoheni në çdo kohë”, shkroi WhatsApp në Twitter, duke kërkuar të shuajë shqetësimet që kanë vazhduar për muaj.
Në janar, WhatsApp detyroi shumë përdorues të bien dakord për rregulla të reja të privatësisë për ndarjen e të dhënave personale me kompanitë e Facebook-ut, por pasi u përballën me një reagim, e shtyu hapin e saj deri në mes të majit.
Turqia pezulloi gjithashtu rregullat e reja dhe hapi një hetim mbi kompaninë.
Polemikat çuan që shumë përdorues në Turqi të kalojnë në aplikacione të tjera të mesazheve.
Facebook ka një histori të ndërlikuar të ndryshimit të politikave të saj pa njoftuar përdoruesit ose duke lëshuar informacionet personale pa dijeninë e përdoruesve.
