Matilda Matija, kandidatja e koalicionit Aleanca për Shqipërinë Madhështore në qarkun Shkodër, vijon takimet me qytetarët, duke dëgjuar nga afër shqetësimet e tyre. Gjatë vizitës në tregun e Rusit, ajo u takua me tregtarët që çdo ditë përballen me sfida të mëdha, nga rritja e taksave e deri te konkurrenca e pandershme. Me një vizion të qartë për ndryshimin, Matilda dhe ekipi i saj angazhohen për politika që mbështesin bizneset e vogla dhe sigurojnë një ekonomi më të drejtë për të gjithë.
Postimi i plotë i kandidates Matija:
Zëri i tregtarëve duhet dëgjuar!
Sot vizitova tregun e Rusit në Shkodër dhe bisedova me tregtarët që përballen çdo ditë me vështirësi gjithnjë e më të mëdha.
Ata më shprehën shqetësimin e tyre për rritjen e taksave, konkurrencën e pandershme, rënien e shitjeve dhe mungesën e mbështetjes nga shteti.
Qeveria aktuale i ka lënë në mëshirë të fatit, duke ua bërë të pamundur të mbajnë familjet e tyre.
Ne, Partia Demokratike dhe Aleanca për Shqipërinë Madhështore, do të sjellim një ndryshim të vërtetë:
- Ulje taksash për bizneset e vogla.
- Mbrojtje për tregtarët e ndershëm dhe luftë ndaj korrupsionit.
Më 11 maj, voto PD dhe Aleancën për Shqipërinë Madhështore.
Mbrojmë tregtarët, ndërtojmë një të ardhme më të mirë!
