Gjykatës së Posaçme të Apelit për Korrupsionin dhe Krimin e Organizuar pushon çështjen për konfiskimin e pasurive të Altin Hajrit. Mes tyre është edhe kompleksi “Golden” .
Gjykata vendosi pushimin e shqyrtimit të çështjes nr. 124 akti, datë 26.04.2021, për shkak se prokuroria ka hequr dorë nga ankimimi.
Edhe gjykata e Posaçme të Shkallës së Parë për Korrupsionin dhe Krimin e Organizuar kishte rrëzuar kërkesën për konfiskim të pasurive dhe kishte hequr sekuestron që në muajin korrik të këtij viti.
Por ky vendim ishte ankimuar nga SPAK. Ndërsa sot Gjykata e Posaçme e Apelit njofton se SPAK ka hequr dorë.
Operacioni i sekuestros së pronave të Altin Hajrit u bë me bujë në shkurt 2020.
Ekspertët kanë deklaruar se pronat janë të justifikuara.
Altin Hajri është dënuar me burg nga autoritet italiane të drejtësisë, me urdhër arrestin e datës 15 gusht 2015, për veprën penale “Trafikimi i lëndëve narkotike, kryer në bashkëpunim”.
Aktualisht, ky shtetas është shpallur në kërkim nga Policia e Shtetit, në funksion të hetimeve për rrëmbimin dhe vrasjen e Jani Prengës.
Policia deklaroi atëherë (3 shkurt 2020) se sekuestrimi i këtij objekti dhe i të gjitha pronave të shtetasit Altin Hajri bëhet në bazë të elementit të urgjencës të parashikuar në Ligjin Special.
