Një person është vrarë dhe një tjetër është plagosur si pasojë e të shtënave me armë në Laknas. Ngjarja ka ndodhur në rrugën “Fatos Shupi”.
Policia ka arrestuar autorin.
I plagosur ka mbetur një 50-vjeçar i cili ndodhet në spital nën kujdesin e mjekëve.
“Më datë 30.11.2023, në Laknas, në rrugën “Fatos Shupi”, pas një konflikti për motive të dobëta, shtetasi M. M., rreth 70 vjeç, ka vrarë me armë zjarri shtetasin Sh. H., rreth 55 vjeç, si dhe ka plagosur shtetasin B. K., rreth 50 vjeç.
Shtetasi B. K., ndodhet në spital nën kujdesin e mjekëve.
Autori i dyshuar është arrestuar në flagrancë, si dhe është sekuestruar dhe arma e përdorur gjatë krimit.”- njofton policia.
Grupi hetimor po punon për sqarimin e rrethanave të ngjarjes.
