Për shkak të festës së Fitër Bajramit, afati i fundit për dorëzimin e DIVA 2024 është shtyrë në 1 Prill. Sipas Drejtorisë së Përgjithshme të Tatimeve, numri i deklaruesve pritet të jetë mbi 144 mijë, pas uljes së pragut të deklarimit nga 2 milionë në 1.2 milionë lekë në vit. Kjo do të shtojë mbi 70 mijë deklarues të rinj.
Kush ka detyrim për dorëzimin e DIVA 2024?
- Individët me të ardhura vjetore bruto mbi 1.2 milionë lekë.
- Punonjësit me më shumë se një punëdhënës gjatë vitit.
- Ata që kanë fituar mbi 50 mijë lekë nga burime të patatuara, si qira ditore apo të ardhura nga platforma si Airbnb, Booking etj.
Gjithashtu, këtë vit duhet të deklarohen edhe të ardhurat nga platformat digjitale si Meta, YouTube dhe Google, të cilat sipas administratës tatimore arrijnë në 33 milionë euro.
Procesi i Deklarimit dhe Penalitetet
DIVA paraplotësohet nga sistemi e-Filing me të dhënat nga listëpagesat. Në rast vonese, gjoba është 3 mijë lekë. Gjatë ditëve të fundit, faqja e tatimeve pati probleme teknike për shkak të fluksit të lartë të përdoruesve.
Më shumë informacion mund të gjendet në: tatime.gov.al.
