Situata e përmbytjeve në Njësinë Administrative Dajç paraqitet si më poshtë:
Rruga hyrëse për në Njësinë Administrative Dajc është e hapur.
Nuk ka prezencë të ujit në rrugë. Ka vetëm akull për shkak të temperaturave të ulëta.
Qëndron e bllokuar vetëm rruga që lidh Dajçin me Pentarin
Gjithashtu mbetet e bllokuar dhe rruga që lidh fshatin Shirq me fshatin Darragjat ku lartësia e ujit shkon deri në 150 cm.
Shërbimi shëndetësor është në efiçencë të plotë.
I është dhënë shërbimi shëndetësor në familje rreth 30 pacientëve.
I gjithë stafi mjekësor është në gatishmëri për çdo urgjencë.
Është organizuar shërbimi shëndetësor në familje.
Situata momentalisht është nën kontroll dhe nuk kemi asnjë problem për sa i takon menaxhimit të urgjencave apo pacientëve me mjekim ambulator në banesë.
Falenderues ndaj stafit për punën e palodhur dhe plot sakrificë në kushte tejet të rënduara nga uji dhe temperaturat e ulëta të dy ditëve të fundit.
