Pavarësisht se rroga minimale në Shqipëri është 26 mijë lekë të vjetra, vendi ynë renditet i pesti në Evropë për nivelin e lartë të rritjes së çmimeve.
Sipas të dhënave të INSTAT janë 13 shtete që kanë shënuar shtrenjtim të mallrave.
Ndikimin kryesor në Shqipëri e kanë dhënë produktet ushqimore me 4.3% të ndjekura më pas nga transporti me 3.6%.
Të tjera grupe që dhanë një kontribut në rritje, edhe pse më të moderuara, ishin pijet alkoolike dhe duhani.
Megjithatë një rënie e çmimeve është regjistruar në muajin korrik, ku duket efekti i mungesës së blerjeve.
Sipas INSTAT gjatë këtij muaji në grupin e ushqimeve është regjistruar një zhvlerësim me 2 %.
Indeksi i harmonizuar i çmimeve të konsumit përfshin shpenzimet e bëra brenda territorit të vendit nga familjet shqiptare, si dhe shpenzimet e vizitorëve.
Përsa i përket indeksit të çmimeve të konsumit, ky indeks mbulon vetëm shpenzimet private shqiptare të kryera brenda dhe jashtë vendit.
