Gazi i lëngshëm për ngrohje kohët e fundit ka pësuar një rritje të lartë duke u blerë në treg me 88 lekë për litër. Rritje po ashtu ka pësuar edhe nafta, ndërsa për qytetarët shtrenjtimi është i papërballueshëm, duke kërkuar nga qeveria marrjen e masave.
Rritja e gazit prej ditësh tashmë ka shkuar në 88 lekë. Kjo rritje është e papërballueshme për qytetarët, të cilët e përdorin gazin për gatim apo ngrohje.
“Gazi është rritur, nafta është rritur”.
Por ashtu si gazi rritje ka pësuar edhe nafta duke dyfishuar shpenzimet e qytetarëve.
“Duhet ikur nga ky vend.”
“Me rrogat që janë këtu nuk jetohet.”
“Nafta mos pytet, gazi më keq. E kam ble makinën me kursye naftën dhe më ka shkuar më shtrenjtë se me pas me benzinë.”
Thirrja shkon për vëmendje, pasi me rritjen e karburantit dhe çmimeve jetesa është tejet e vështirë.
“Qeveria të vërë dorën në kokë dhe ta shohë ku është populli.”
“Qeverisë i them të mos i ngrejë më çmimet, në Kosovë më lirë.”
Çmimi i karburanteve ka ndryshuar në të gjitha pikat e shitjes, ndërsa jashtë kamerave tregtarët thonë se kjo ka ardhur si pasojë e rritjes së taksave.
