Lazër Matija është kryetari i ri i shoqatës rajonale të futbollit Shkoder.
Ai doli fitues i garës përballë Kujtim Shabës me rezultatin 15 me 8, ku 23 anëtarë ishin të pranishëm nga 24 me të drejtë vote.
Mbledhja nisi me debate në mjediset e stadiumit “Loro Boriçi” pasi kandidati Shaba kundërshtoi nxjerrjen jashtë të mediave, por kryetari në detyrë Armando Cungu i bëri të qartë rregulloren dhe se proçesi është plotësisht i filmuar.
Akuzat i vijoi edhe jashtë në mbyllje të garës, kandidati humbës Shaba.
Fituesi i garës Lazer Matija, njëherësh president i ekipit të Vllaznisë së femrave, shprehu habi për pretendimet, ndërsa tha se në mbyllje të votimit, rivali e uroi. Ai shpalosi edhe objektivat që do të ketë në këtë detyrë të re.
Me ndryshimet e reja, kjo shoqatë do të ketë 3 delegatë, Lazer Matija, Alfred Pjetri dhe Edi Martini.
Në Asamblen e sotme u propozua për President, Armand Duka, ndërkohë që për anëtar Komiteti Ekekutiv u propozua Fatbardh Jera.
