Pas ndërhyrjes nga policia bashkiake për largimin e tregtarëve nga trotuaret në lagjen Rus, bashkia Shkodër ka nisur punën për krijimin e një hapësire për tregtarët ambulantë tek Tregu i Rusit.
Kjo hapësirë e pashfrytëzuar brenda tregut të Rusit, është pastruar, sistemuar dhe nga sot është në funksion të tregtarëve ambulantë, të cilët nuk do të lejohen më të zënë trotuaret apo hapësira të tjera publike.
Tregtarët të cilët kanë nisur që të vendosen në këtë pjesë thonë se ky treg nuk është i përshtatshëm, dhe kërkojnë kushte më të mira.Aksionet për largimin e tregtarëve që shesin në zonën e Rusit kanë qenë të shpeshta por asnjehër nuk i është dhënë një zgjidhje përfundimtare, pasi tregtarët nuk kanë qenë dakord me vendin ku i është caktuar, dhe kanë vijuar sërish aktivitetin e tyrë në rrugë.
