Bashkia Shkodër njofton qytetarët për një ndërhyrje të rëndësishme infrastrukturore që do të prekë qarkullimin në një nga akset kryesore të qytetit. Në kuadër të punimeve për përmirësimin e cilësisë së rrugëve, segmenti i bulevardit “Skënderbeu” do t’i nënshtrohet procesit të riasfaltimit, duke sjellë kufizime të përkohshme në lëvizje.
NJOFTIMI I BASHKISË SHKODËR:
Të nderuar qytetarë!
Ditën e sotme nga ora 16:00, deri në orën 16:00 të datës 8 Prill, bulevardi “Skenderbeu” do të jetë i bllokuar plotësisht për shkak të punimeve për riasfaltimin e këtij segmenti rrugorë.
Duke kërkuar mirëkuptimin e banorëve, ju bëjmë thirrje të evitoni plotësisht qarkullimin në këtë zonë.
Policia e shtetit dhe Policia bashkiake do të jetë në ndihmë të banorëve për orientimin e trafikut.
Faleminderit!
