Teksa në Tiranë një ditë më parë nisi implementimi i testit Pisa, për Shkodrën janë përcaktuar datat 17 deri më 25 prill.
Nga 7 shkolla të përzgjedhura më parë në ZVA Shkodër, tashmë pjesë e testimit do të jenë 10 shkolla, tha drejtorja e Zyrës Vendore Arsimore Shkodër, Brisela Kadija.
Krahas shkollave pjesëmarrëse janë përcaktuar edhe ambientet të cilat janë përshtatur në infrastrukturën e duhur.
Drejtorja e ZVA Shkodër sqaron se në fazat stimuluese janë përfshirë të gjithë nxënësit 15- vjeçar të shkollave të përzgjedhura, por testimit do t’i nënshtrohen vetëm një pjesë e tyre.
Shkodra synon të marrë rezultate të larta në këtë testim i cili fokusohet në 3 disiplina matematikë, shkencë dhe letërsi.
