Mësohen emërimet e reja të policisë në qarqe, në kuadër të ndryshimeve të ndërmarra nga kreu i ri i policisë së shtetit, Gledis Nano me të ardhur në detyrë.
Kështu Hajri Kushe, nga zv.drejtor për hetimin e krimit në policinë Kukës, emërohet në të njëjtën pozitë në Shkodër.
Ermal Lila, nga shef i komisariatit të Elbasanit emërohet zv.drejtor për hetimin e krimit në Kukës.about:blank
Bujar Laze emërohet shef komisariati në Korçë.
Vilson Bala nga shef komisariati Bulqizë emërohet shef komisariati në Durrës.
Oltion Agolli nga shef komisariati në Peqin emërohet shef komisariati në Pogradec.
Në Vorë, në vend të Aliosha Brokës( i cili kalon specialist në Drejtorinë e Standardeve Profesionale), emërohet shef komisariati Kreshnik Gjecka.
Dashamir Bendo emërohet shef i Operacionales në Tiranë. Alfred Cenaj emërohet shef komisariati në Elbasan. Pëllumb Kovashica emërohet shef komisariati në Peqin.
Lëvizjet e fundit vijnë pas ndryshimeve të krerëve të policisë dhe drejtorëve në 11 qarqe dhe ndryshimit të shefave të komisariateve në kryeqytet.
