Në hollin e Rektoratit të UNISHK, studentët e vitit të parë të degës “Pikturë Grafikë” paraqitën punimet e tyre artistike në psiko-ekspozitën e titulluar “Shpirt” nën kujdesin e pedagogeve Migena Kecaj dhe Erëmirë Jahja.
Pikturat e ekspozuara paraqesin gjendjen e brendshme të emocioneve dhe ndjenjave të artistëve të ardhshëm.
Në ekspozitën e organizuar nga Departamenti i Arteve të Universitetit “Luigj Gurakuqi” ishte i pranishëm edhe rektori Tonin Gjuraj, i cili ndau edhe Çertifikata vlerësimi për pjesëmarrësit e ekspozitës.
