Lajmin për prishjen e tregut eksiztues të veshjeve në Zdrale tregtarët e kanë mësur nga televizori, teksa u prezantua në praninë e kryeministrit Edi Rama disa ditë më parë në ambjentet e Bashkisë Shkodër, projekti për transformimin e Zdrales.
Ato shprehen se nuk janë dakort me këtë vendim dhe se nuk kanë asnjë informacion më të hollësishëm rreth kësaj ndërhyrje .
Tregtarët bëjnë të ditur se prej disa ditësh kanë kërkuar takim me kryebashkiakun e Shkodrës, Benet Beci, por deri tani një takim i tillë nuk është realizuar
Kryeministri Edi Rama dhe kryebashkiaku Benet Beci morën pjesë disa ditë më parë në prezantimin e projektit për transformimin e zonës historike të Zdrales në Shkodër, që është gjithashtu edhe një prej zonave me aktivitet të lartë tregtar, me rreth 400 njësi.
