Në prag të muajit të shenjtë të Ramazanit , Myftiu i Shkodrës , Imam, Muhamed Sytari , i shoqëruar dhe nga drejtuesit e fondacionit humanitar “Miresia”, ka zhvilluar një bisedë të ngrohtë me anëtarët e Shtëpisë së të Moshuarve në Shkodër.
Më pas u bë dhe dhurimi 50 pakove me ushqime dhe 50 batanijeve për të moshuarit e kësaj shtëpie.
Myftiu Sytari , duke falenderuar fondacionin për kujtesën dhe kujdesin ndaj të moshuarve, theksoi se ishte zgjedhja më e bukur për ta pritur Ramazanin me bekimin e të moshuarve.
Nga ana e tij , drejtori i Shtëpisë së të Moshuarve, Fatjon Hoxha, falenderoi për kujdesin e vazhdueshëm që tregohet ndaj të moshuarve.
Dita e parë e Ramazanit fillon me datë 11 mars. Gjatë periudhës 30 ditore do vijojë tradita e Myftinisë për shpërndarjen e pakove me ushqime dhe shtrimin e iftarëve për shtresat në nevojë.
