Drejtoria Vendore e Policisë Shkodër
Komisariati i Policisë Shkodër arrestoi shtetasin G. K., 76 vjeç, pasi për motive të dobëta, ka dëmtuar lehtë, me mjet prerës (thikë), shtetasit F. G., 51 vjeç dhe K. G., 49 vjeç, vëllezër.
Sektori për Hetimin e Narkotikëve i DVP Shkodër referoi materialet në Prokurori, ku filloi procedimi në gjendje të lirë për shtetasin M. H., 24 vjeç, banues në Tiranë, pasi nga kontrolli fizik, iu gjetën sasi të vogla të lëndëve narkotike cannabis sativa dhe ekstazi, të cilat iu sekuestruan në cilësinë e provës materiale.
Komisariati i Policisë Malësi e Madhe referoi materialet në Prokurori, ku filloi procedimi në gjendje të lirë për shtetasin B. Ç., banues në fshatin Flake, pasi nga kontrollet dhe verifikimet e kryera në bashkëpunim me shërbimet e OSHEE-së, u konstatua se në banesë, kishte lidhje të paligjshme të energjisë elektrike.
