Një jetë në Radio Shkodra.
Në vazhdën e aktiviteteve të organizuara nga Bashkia Shkodër në kuadër të Ditës Ndërkombëtare të Gruas, sot ishim në Bibliotekën “Marin Barleti”, për të bashkëndarë historinë e një jete.
Merita Sokoli Çoba dhe dashuria e saj – Radio Shkodra.
Sfidat, vështirësitë, sakrificat, kontributi, kënaqësia, gërshëtimi midis familjes dhe punës ishin tematikat e diskutimit të sotshëm.
Vlerësojmë kontributin ndër vite të grave si Zj. Çoba, që me punën e palodhur, këmbënguljen, dashurinë për të bukurën, sakrificat i kanë dhënë e vazhdojnë t’i japin shoqërisë sonë.
Individualisht, ne të gjithë jemi përgjegjës për mendimet dhe veprimet tona. Bashkërisht të gjithë kemi një rol për të luajtur në shoqëri. Le të refuzojmë paragjykimin dhe pabarazinë gjinore, patriarkatin, kapitalizmin dhe çdo strukturë tjetër shtypëse! Të ndërgjegjshme dhe të ndërgjegjshëm për të festuar arritjet e grave, kolektivisht, të gjithë dhe të gjitha le të kontribuojmë në krijimin e një shoqërie gjithëpërfshirëse.
