Çmimet e naftës mund të shohin një rënie drastike në rast se aleanca e naftës OPEC+ zbut shkurtimet ekzistuese të prodhimit, thanë vëzhguesit e tregut të cilët po parashikojnë një vit rënie për naftën e papërpunuar.
“Ka më shumë frikë për çmimet e naftës në vitin 2025 sesa ka pasur prej vitesh – çdo vit që më kujtohet, që nga Pranvera Arabe”, tha Tom Kloza, kreu global i OPIS, një agjenci raportuese e çmimeve të naftës.
Një rënie në 40 dollarë për fuçi do të nënkuptonte ulje rreth 40% të çmimeve aktuale të naftës së papërpunuar. Standardi global Brent aktualisht tregtohet me 72 dollarë për fuçi, ndërsa kontratat e së ardhmes së Teksasit Perëndimor të SHBA-së janë rreth 68 dollarë për fuçi.
Grupi i naftës ka ushtruar disiplinë në ruajtjen e shkurtimeve vullnetare të prodhimit, deri në shtrirjen e tyre.
Në shtator, OPEC+ shtyu planet për të filluar kthimin gradualisht të 2.2 milionë fuçive në ditë, të shkurtimeve vullnetare me dy muaj, në një përpjekje për të frenuar rrëshqitjen e çmimeve të naftës. Ulja prej 2.2 milionë fuçi në ditë, e cila u zbatua gjatë tremujorit të dytë dhe të tretë, duhej të skadonte në fund të shtatorit.
Në fillim të këtij muaji, grupi vendosi sërish të shtyjë rritjen e planifikuar të prodhimit të naftës me një muaj tjetër deri në fund të dhjetorit.
Çmimet e naftës kanë pasur një rimëkëmbje e ngadaltë pas Covid-it e kërkesës nga Kina, ekonomia e dytë më e madhe në botë dhe importuesi kryesor i naftës së papërpunuar. Në raportin e tij mujor të publikuar të martën, OPEC uli parashikimin e rritjes së kërkesës globale për naftë për vitin 2025 nga 1.6 milionë fuçi në ditë në 1.5 milionë fuçi në ditë.
Çmimet nën presion u rritën gjithashtu nga një treg dukshëm i mbifurnizuar, veçanërisht pasi prodhuesit kryesorë të naftës jashtë aleancës së OPEC-ut si SHBA, Kanadaja, Guajana dhe Brazili po planifikojnë gjithashtu të shtojnë ofertën.
Konsensusi i tregut është se do të ketë një stok “të konsiderueshëm” të naftës vitin e ardhshëm, tha strategu i energjisë i Citibank, Martoccia Francesco.
“Nëse grupi i prodhuesve vazhdon me planin e tij të prodhimit, suficiti i tregut pothuajse mund të dyfishohet, duke arritur deri në 1.6 milionë fuçi në ditë”, tha Francesco.
Edhe nëse OPEC+ nuk i lehtëson shkurtimet, e ardhmja e çmimeve duket ende e brishtë. Analistët e Citi presin që çmimi Brent të jetë mesatarisht 60 dollarë për fuçi vitin e ardhshëm.
Një tjetër nxitje e perspektivës së rënies është administrata e ardhshme e Presidentit të zgjedhur të SHBA-së, Donald Trump, kthimi i të cilit shoqërohet nga disa me një luftë të mundshme tregtare, thanë analistët.
Tani për tani, çmimet e benzinës me pakicë janë në një “pikë të mirë” me 3 dollarë për gallon, ku konsumatorët nuk e ndiejnë rënien dhe çmimet e inputeve janë ende mjaft të larta për prodhuesit, shtoi Smith. / CNBC
