Ministria e Arsimit, Besa Shahini ka njoftuar shtyrjen e zgjedhjeve në universitete. Në një postim në “Facebook”, Shahini theksoi se data e zgjedhjeve për organet drejtuese të IAL-ve shtyhet deri kur mund të sigurohet pjesëmarrje më gjithëpërfshirëse e studentëve.
Shahini nënvizoi mes të tjerash se procesi përgatitor i zgjedhjeve duhet të vazhdojë në mënyrë që IAL-të të jenë gati të fillojnë fushatën zgjedhore menjëherë pas shpalljes së datës.
“Data e zgjedhjeve për organet drejtuese të IAL-ve shtyhet deri në një moment të dytë kur mund të sigurohet pjesëmarrje më gjithëpërfshirëse e studentëve. Procesi përgatitor i zgjedhjeve duhet të vazhdojë në mënyrë që IAL-të të jenë gati të fillojnë fushatën zgjedhore menjëherë pas shpalljes së datës. Shpresoj që ky urdhër të mundësojë kthimin e vëmendjes së udhëheqësve të arsimit të lartë publik tek planifikimi i mbylljes së suksesshme të vitit akademik për studentët.”
